(1902) Ixuxú, viva la mio quintana
SEMANARIU CRISTIANU PE LA GRACIA DE DIOS
Pa nosotros toes les presones son honraes, mientres non se nos convencia de lo contrario; porque toos semos güenos fasta que fagamos la primer trastá.
A les males zunes hai que cortayos les pates; i si dalgún s'ofendiés cuando sean publicaes sin decir les presones, s'acusa á sí mesmu.
Direutor: XUAN DE LES PORTIELLES
Abogau de Caleyes
Xixón, 7 de Setiembre de 1902
PE LO QU' ALAMPIAMOS
Alampiamos porque se faigan empobinar ceo d'Asturies, les loxes masóniques í demás sociedaes i centros setarios de carauter socialiste, anarquiste, llibrepiensador, anticlerical, comuniste, nihiliste, ácrate, lliberal, replubicanu, demócrate, federal, ateo, impíu, herexe, i ansi mesmu cases de xuegu, lloteria nacional, sociedaes de baile; item más, ciarrar el noventa por cientu de les tabiernes, faciéndoles responsables de los crímenes i escándalos que se cometian, i soprimir d'afechu borrachos i blasfemios 'nesti Prencipau.
Alampiamos po la llibertá asoluta pa exercer n'Asturies el cultu Católicu con manifestaciones públiques i privaes, dientro i fora de les iglesies; i ainda más, que dexen esteblecese 'nesti Prencipau toa clas d'Ordenes relixioses, pa sirvir d'asilu á les que 'n rexiones despidian; i mismamente á les que se didiquen á trabayar, que non se yos cobre contribución, pos abondos millones yos ronó el hobiernu lladinu de Mendizabal.
Paliza núm. 43
LOS BORREGOS PASTORIAOS
¡Alto ahí, borregos cazurros! parai los pieses i soltai esos rebaños que non son vuestros, que son de Cristo: verdaderu Pastor d'oveyes, que dió la vida por so grei.
Viniestis á tierra de Gijia pa [...]
[...]
Odiais á los burgueses i patronos que vos paguen el xornal por trabayar; pero vuestros amos son los xefes de los centros obreros, que nada vos dán sinón que vos arrinquen la cuota, vos lleven á la huelga, á la ruina i á les barricaes pa sirvir de carne de cañón, vos esquilmen, vos esploten, vos embrutecen, vos tienen 'nun puñu; i vos imponen una lei draconiana 'nel Reglamentu del Comité Socialiste, dominando [...]
[...]
i esplotar á diestru i siniestru; porque Pablo Iglesies y' un gran burgués que trata d'apoderase de les 80 agrupaciones socialistes d'España, esixéndoyos una cuota trimestral; i pídeyos 'nel artículu 28 como presidente del Comité Nacional i deritor propietariu de El Socialiste, 40 pestes semanales, á más de les ganancies que i dé; pos 'n artículu 12 obliga á toos obreros socialistes á soscribise al [...]
[...]
l'engañu nin entienden la xugada que yos ta urdiendo el cacique burgués, borregueru mayor del socialismu políticu, que solo fai so agostu.
Conque ya lo sabeis, obreros de Xixon, d'Asturies, d'España, 'nel VI Congresu Socialiste nacional celebrau los últimos dis d'agosto, 'nel qu' antes yera tiatru de Xovellanos, i agora por nulidá, pusilanimidá, i estupidez del alcalde, que pon so vara á los pies [...]